Dito sa Amerika
Akala nang iba
pulos sarap at pasyal lang…
Parang ‘di mo iniinda
ang pagbanat nang buto
hanggang pumutok na ang iyong bato.
Wala nang panahong magsuklay
kailangan magbaon para ‘di na bumili sa labas
ubod nang mahal gasolina pa lang
kinulang na sa gatas ni bunso.
Dito sa Amerika
‘Wag ka na lang magsine
Humiram ka na lang sa Redbox
O DVD Play isang dolyar lang
Nagputian na ang buhok mo
Kailangan mag-parlor…
Naku, kalimutan mo na lang
bumili ka na lang nang pangtina
magising sa pagiging sariling sikap.
Dito sa Amerika
malamig.. mainit…maselan…
kaya pagnilamig ang kaluluwa
bumili ka na lang nang pampainit…
Sa Walgreens,
o kaya sa Rite Aid
o kaya sa garage sale na lang
‘Wag ka pupunta sa mall
ubod nang mahal doon
wala ka nang pampadala sa
mahal na pamilya…
Dito sa Amerika
‘di ka kailangan pumorma…
kailangan magbanat nang buto
ipakita nating pinoy
kaya nating lahat ito!
No comments:
Post a Comment