Simula 1975
Rebolusyon nang internet
Nagtampisaw
Ang DOS … Ang OS2…
Nanganak nang ilang henerasyon…
Ngayon batang bata si Windows 7 pati na rin OS9
Intel at AMD processors, ‘di mapakali
Agawan dito… asaran doon…
Demandahan …
Ano ba ito?
Tayo ay nabighani
Tayo ay napa-ibig
Tayo ay natangay…
sa alon nang walang hanggan
‘Di na tayo makakilos
Kung walang computer…
Pati cell phone mo
nakatali sa facebook …
O naka twitter ka rin pala,
Meron atang nag tweet sa ‘yo …
Iiwan na lahat mabasa
lang kung sino ‘yon o
Anong nilalaman nito
Tsk … Tsk…Tsk…
Tapos nagmamaneho
Papunta sa probinsiya
Binuksan ang GPS …
Ay naku, wala namang kuwenta…
Natrapik ka rin
Hindi natarok ni GPS
(Aksidente sa kalye…
sabi mong pabulong)
Nabighani sa IPAD
Ngayon pumila ka
Nagisyoso ang iba
Ikaw taas noong kukuha
500 dolyares na bagong laruan…
Nandoon ka sa MAC tindahan
Kaninang alas kuwatro pa!
Ay, magaling ito !
Maka email, makalaro, maka download
Makasulat , daig pa ang iPhone ha?
Kailangan ba ito?
Kaibigan?
Tandaan ‘di lahat nang bago
at kumikinang
ay nararapat sa sangkatauhan.
Ang pananalig sa MayKapal
‘Di dapat pabayaan.
Nagsimba ka na ba?
‘Wag mong sabihin nagsimba ka sa internet?
Manigas ka!
Sino nga ba ang mas matimbang?
No comments:
Post a Comment